انا بقي كنت مع ابن اختي في البيت المهم بقول لابن اختي هاتلي مايه يا مصطفي قالي انت كبير ولا صغير قولت له كبير قالي طيب ما تجيب لنفسك بعدها بشوية بقول له مصطفي هات لي تفاحه من التلاجه قالي انت كبير ولا صغير قولت بقي استنصح عليه قولت له صغير قالي مانا صغير وبجيب لنفسي

 

 

ادهم ابن اختي عنده 3 سنين ونص جاى يقولي يا محمد انا بحب رهف بنت عمه فبقوله بتحبها قد ايه فقالي بحبها قد الدنيا فقولتله بتحبني قد ايه بقي بصلي بقرف كدة وقالي مش بحبك اصلا

 

 

ولد صغير قريبي شاف دب الباندا في التلفزيون قالي كيوت قلتله ما تبقاش تخين زيه قالي ما انتى زيه اهو قصفني

 

 

انا شغال في محل نظارات وجاى طفل مع مامته فبتختار له نظارة المهم الطفل مش عاجبة حاجة طلعته نظارة بقوله دي حلوة عليك يا حبيبي قاللي وانت ايش دخلك انت مش تتدخل في اللي ما يخصك ساعتها كنت عاوز الارض تتشق وتبلعني او تبلعه هو

 

قاعد مع صحابي ف مره ع قهوة انا وصحابي وفي واحد صاحبنا جاب قريبه عيل صغير معاه بس حاجة كده حله محشي ف بنشوف هناكل ايه ف انا قولت هجيب اى برنش خفيف ولا حاجة الواد الصغير قاللي ايه اكل العيال الصغيره دا ما تنشف وتاكل سمين معانا

 

كنت مرة مع صاحبي ومراته وابنه 3 سنين اللي هو سن الرخامة ده المهم كنا في مكان في صور حيوانات كرتونية للاطفال يعني مامته بتقول بص فين ال donkey راح قالها عمو اشرف طيب وايه لزمة عمو يابن الكلب يا جذمة

 

المصدر : صور مضحكة pexels

night-vintage-music-bokeh.jpg (5616×3744)

pexels-photo-265685.jpeg (4288×2848)

الإعلانات